Breaking News
Home / ꠍꠤꠟꠐ / ꠍꠤꠟꠦꠐꠞ ꠖꠇꠇꠤꠘ ꠡꠥꠞꠝꠣ ꠎꠝꠤꠘꠞ ꠡꠤꠝꠣ ꠟꠁꠀ ꠖꠥꠁ ꠚꠣꠐꠤꠞ ꠟꠠꠣꠁ,ꠄꠈꠎꠘꠞ ꠝꠃꠔ

ꠍꠤꠟꠦꠐꠞ ꠖꠇꠇꠤꠘ ꠡꠥꠞꠝꠣ ꠎꠝꠤꠘꠞ ꠡꠤꠝꠣ ꠟꠁꠀ ꠖꠥꠁ ꠚꠣꠐꠤꠞ ꠟꠠꠣꠁ,ꠄꠈꠎꠘꠞ ꠝꠃꠔ

ꠇꠛꠞ ꠄꠡ ꠙꠤ ꠡꠦꠛꠥ,ꠍꠤꠟꠦꠐ ꠔꠘꠦ

ꠍꠤꠟꠦꠐꠞ ꠖꠇꠇꠤꠘ ꠡꠥꠞꠝꠣ ꠎꠝꠤꠘꠞ ꠡꠤꠝꠣ ꠟꠁꠀ ꠖꠥꠁ ꠚꠣꠐꠤꠞ ꠟꠠꠣꠁꠄ ꠄꠈꠎꠘ ꠝꠞꠍꠁꠘ⁕ꠀꠞ ꠁꠊꠐꠘꠣꠄ ꠔꠤꠘꠎꠘꠞꠦ ꠉꠦꠚꠔꠣꠞ ꠈꠞꠍꠁꠘ ꠝꠧꠉꠟꠣꠛꠣꠎꠣꠞ ꠕꠣꠘꠣꠞ ꠚꠥꠟꠤꠡꠦ⁕ ꠉꠦꠚꠔꠣꠞ ꠅꠀ ꠀꠡꠣꠝꠤ ꠅꠈꠟ ꠅꠁꠟꠣ ꠝꠧꠉꠟꠣꠛꠣꠎꠣꠞ ꠄꠟꠣꠇꠣꠞ ꠘꠦꠉꠣꠟ ꠉꠣꠃꠞ ꠝꠤꠞꠔ ꠀꠍꠞꠛ ꠀꠟꠤꠞ ꠚꠥꠀ ꠍꠣꠁꠖꠥꠞ ꠞꠢꠝꠣꠘ (৪৫)ꠀꠎꠤꠎꠥꠞ ꠞꠢꠝꠣꠘ (৩৩) ꠄꠛꠋ ꠅꠃ ꠄꠟꠣꠇꠣꠞ ꠀꠛ꠆ꠖꠥꠘ ꠘꠥꠞꠞ ꠚꠥꠀ ꠞꠣꠎꠥ ꠝꠤꠀ (২৭)⁕ꠄꠞꠣꠞꠦ ꠀꠖꠣꠟꠔꠅ ꠔꠥꠟꠟꠦ ꠀꠖꠣꠟꠔ ꠔꠣꠞꠣꠞꠦ ꠎꠦꠟꠀꠎꠔꠦ ꠚꠣꠐꠣꠘꠤꠞ ꠘꠤꠞꠖꠦꠡ ꠖꠤꠍꠁꠘ⁕

ꠍꠤꠟꠦꠐ ꠝꠦꠐꠐꠚꠟꠤꠐꠘ ꠚꠥꠟꠤꠡꠞ ꠅꠔꠤꠞꠤꠇ꠆ꠔ ꠃꠚ ꠚꠥꠟꠤꠡ ꠇꠝꠤꠡꠘꠣꠞ (ꠝꠤꠒꠤꠀ) ꠝꠧ.ꠎꠦꠖꠣꠘ ꠀꠟ ꠝꠥꠍꠣ ꠁ ꠛꠤꠡꠄ ꠘꠤꠡꠌꠤꠔ ꠈꠞꠍꠁꠘ⁕ ꠔꠣꠁꠘ ꠎꠣꠘꠣꠁꠍꠁꠘ ꠁ ꠊꠐꠘꠣꠄ ꠝꠞꠣ ꠌꠦꠞꠣꠉ ꠀꠟꠤ ꠢꠞꠥ ꠜꠣꠁ ꠝꠦꠢꠞꠣꠛ ꠀꠟꠤ ꠛꠣꠖꠤ ꠅꠁꠀ ꠝꠣꠝꠟꠣ ꠈꠞꠍꠁꠘ(ꠝꠣꠝꠟꠣ ꠘꠝꠛꠞ ১৬)⁕ ꠝꠣꠝꠟꠣꠄ ꠛꠤꠛꠣꠖꠤ ꠍꠣꠁꠖꠥꠞ ꠞꠢꠝꠣꠘ ꠡꠁꠔꠦ ২৫ ꠎꠘꠞ ꠘꠣꠝ ꠃꠟ꠆ꠟꠦꠈ ꠈꠞꠤꠀ ꠅ ꠉꠄꠞꠅ ꠀꠞꠅ ৭০ ꠞꠣꠇꠤꠀ ꠝꠣꠝꠟꠣ ꠈꠞꠍꠁꠘ⁕

ꠎꠣꠘꠣꠉꠦꠍꠦ ꠉꠔꠈꠣꠁꠟ ꠝꠋꠉꠟꠛꠣꠞ (২৩ꠎꠥꠘ) ꠝꠥꠉꠟꠣꠛꠣꠎꠣꠞ ꠎꠝꠤ ꠘꠤꠅꠣ ꠖꠥꠁ ꠚꠣꠐꠤꠞ ꠟꠣꠠꠣꠁ ꠟꠣꠉꠍꠦ ꠄꠔꠦ ꠄꠈꠎꠘ ꠝꠞꠍꠁꠘ⁕ꠚꠞꠦ ꠚꠥꠟꠤꠡ ꠉꠤꠀ ৬ꠞꠣꠃꠘ꠆ꠒ ꠢꠥꠇ꠆ꠇꠣ ꠉꠥꠟ꠆ꠟꠤ ꠝꠣꠞꠤꠀ ꠚꠞꠤꠍꠔꠤꠔꠤ ꠡꠝꠣꠟꠌꠁꠘ⁕ꠁ ꠉꠐꠘꠣꠄ ꠝꠣꠝꠇꠣ ꠈꠞꠣ ꠅꠁꠟꠦ ꠔꠤꠘꠎꠘ ꠉꠦꠚꠔꠣꠞ ꠈꠞ ꠅꠄ⁕

5/5 - (1 vote)

About surmafarorkhobor

Check Also

ꠎꠁꠉꠁꠘ ꠐꠣꠈ ꠅ ꠝꠐꠞꠍꠣꠁꠇꠦꠟ ꠝꠥꠇꠣꠝꠥꠇꠤ ꠖꠣꠇ꠆ꠇꠣꠄ ꠄꠈ ꠛꠦꠐꠣꠞ ꠝꠃꠔ ꠅ ꠛꠦꠐꠣꠞ ꠚꠥꠀ ꠛꠠ ꠀꠈꠣꠞꠞ ꠎꠈꠝꠤꠀ⁕

ꠎꠁꠉꠁꠘ ꠐꠣꠈ ꠅ ꠝꠐꠞꠍꠣꠁꠇꠦꠟ ꠝꠥꠇꠣꠝꠥꠇꠤ ꠖꠣꠇ꠆ꠇꠣꠄ ꠄꠈ ꠛꠦꠐꠣꠞ ꠝꠃꠔ ꠅ ꠛꠦꠐꠣꠞ ꠚꠥꠀ ꠛꠠ ꠀꠈꠣꠞꠞ ꠎꠈꠝꠤꠀ⁕ …