Home / ꠍꠤꠟꠐ / ꠍꠤꠟꠐ ꠍꠤꠘꠔꠣꠁꠞ ꠟꠣꠉꠤ ꠛꠦꠛꠀꠞꠈꠞꠣ ꠝꠐꠞꠍꠣꠁꠇꠦꠟ ꠀꠞ ꠅꠍꠞ ꠡꠁꠔꠦ ꠗꠞꠣꠈꠣꠁꠍꠦ ꠖꠥꠁ ꠍꠤꠘꠔꠣꠁꠈꠣꠞꠤ

ꠍꠤꠟꠐ ꠍꠤꠘꠔꠣꠁꠞ ꠟꠣꠉꠤ ꠛꠦꠛꠀꠞꠈꠞꠣ ꠝꠐꠞꠍꠣꠁꠇꠦꠟ ꠀꠞ ꠅꠍꠞ ꠡꠁꠔꠦ ꠗꠞꠣꠈꠣꠁꠍꠦ ꠖꠥꠁ ꠍꠤꠘꠔꠣꠁꠈꠣꠞꠤ

ꠍꠤꠟꠐ ꠍꠤꠘꠔꠣꠁꠞ ꠟꠣꠉꠤ ꠛꠦꠛꠀꠞꠈꠞꠣ ꠝꠐꠞꠍꠣꠁꠇꠦꠟ ꠀꠞ ꠖꠦꠡꠤ ꠅꠍꠞ ꠡꠁꠔꠦ ꠖꠥꠁ ꠍꠤꠘꠘꠤꠔ ꠍꠤꠘꠔꠣꠁꠈꠣꠞꠤꠞꠦ ꠗꠞꠍꠦ ꠇꠔꠥꠀꠟꠤ ꠝꠒꠦꠟ ꠕꠣꠘꠣꠞ ꠙꠥꠟꠤꠡꠦ⁕ ꠗꠞꠣꠈꠣꠅꠞꠣꠁꠘ ꠅꠁꠟꠣ, ꠍꠤꠟꠐꠞ ꠖꠇꠇꠤꠘ ꠡꠥꠞꠝꠣꠞ ꠝ꠆ꠞꠤꠔ ꠡꠧꠀꠛ ꠝꠤꠀꠞ ꠚꠥꠀ ꠝꠤꠞ꠆ꠎꠣ ꠎꠘꠤ ꠀꠢꠝꠖ (৩৫) ꠀꠞ ꠘꠉꠞꠤꠞ ꠐꠤꠟꠣꠉꠠꠧꠞ ꠝ꠆ꠞꠤꠔ ꠡꠣꠢꠣꠛꠥꠖ꠆ꠖꠤꠘꠞ ꠚꠥꠀ ꠀꠍꠣꠖꠥꠎ꠆ꠎꠣꠝꠣꠘ ꠎꠥꠛꠣꠄꠞ (৩৬)⁕ ꠉꠦꠍꠦ ꠈꠣꠁꠟ ꠝꠋꠉꠟꠛꠣꠞ ꠈꠣꠟꠣꠘꠎꠤꠛꠣꠟꠣ ꠖꠇ꠆ꠇꠤꠘ ꠡꠥꠞꠝꠣꠞ ꠜꠣꠞ꠆ꠕꠈꠟꠣ ꠄꠟꠣꠇꠣ ꠅ ꠍꠤꠟꠐ ꠘꠉꠞꠤꠞ ꠐꠤꠟꠣꠉꠠ ꠞꠣꠎꠙꠣꠠꠣ ꠄꠟꠣꠇꠣꠔ ꠅꠜꠤꠎꠣꠘ ꠍꠣꠟꠣꠁꠀ ꠄꠘꠔꠣꠘꠞꠦ ꠉ꠆ꠞꠦꠚꠔꠣꠞ ꠈꠞꠣ ꠅꠄ⁕

ꠚꠥꠟꠤꠡꠦ ꠍꠄ, ꠉꠦꠍꠦ ১০ ꠝꠦ ꠞꠣꠁꠔ ꠡꠣꠠꠦ ৯ꠐꠣ ꠛꠣꠄ ꠇꠔꠥꠀꠟꠤ ꠝꠒꠦꠟ ꠕꠣꠘꠣꠞ ꠗꠥꠚꠣꠖꠤꠊꠤꠞꠙꠣꠠꠞ ꠢꠣꠚꠤꠎ ꠇꠝꠙ꠆ꠟꠦꠇ꠆ꠍꠞ ꠀꠉꠞ ꠞꠣꠍꠔꠣꠞ ꠖꠇꠘꠦ ꠖꠤ ꠗꠣꠞꠣꠁꠟ ꠍꠣꠇꠇ ꠖꠤ ꠒꠞ ꠖꠦꠈꠣꠁꠀ ꠀꠞ ꠟꠥꠀꠞ ꠞꠒ ꠖꠤ ꠛꠣꠠꠤ ꠝꠣꠞꠤ ꠘꠉꠖ ২ ꠟꠣꠈ ১৫ ꠀꠎꠣꠞ ꠐꠦꠈꠣ ꠀꠞ ꠄꠇꠐꠣ ꠄꠘ꠆ꠒ꠆ꠞꠄꠒ ꠝꠥꠛꠣꠁꠟ ꠍꠦꠐ ꠍꠤꠘꠔꠣꠁꠞ ꠊꠐꠘꠣ ꠊꠐꠦ⁕ ꠁ ꠊꠐꠘꠣ ꠖꠣꠄ ꠍꠤꠟꠐ ꠝꠦꠐ꠆ꠞꠧꠙꠟꠤꠐꠘ ꠙꠥꠟꠤꠡꠞ ꠃꠙ-ꠙꠥꠟꠤꠡ ꠇꠝꠤꠡꠘꠣꠞ (ꠃꠔ꠆ꠔꠞ) ꠀꠎꠛꠣꠢꠣꠞ ꠀꠟꠤ ꠡꠦꠈꠞ ꠅꠒꠣꠞꠦ ꠇꠔꠥꠀꠟꠤ ꠝꠒꠦꠟ ꠕꠣꠘꠣꠞ ꠅꠍꠤ ꠝꠥꠢꠣꠝ꠆ꠝꠖ ꠡꠦꠟꠤꠝ ꠝꠤꠀ ꠅ ꠅꠍꠤ (ꠔꠖꠘ꠆ꠔ) ꠡꠃꠝꠦꠘ ꠝꠁꠔ꠆ꠞ’ꠞ ꠘꠦꠔꠞꠤꠔꠔꠧꠄ ꠕꠣꠘꠣꠞ ꠄꠍꠀꠁ ꠛꠤꠝꠟ ꠌꠘ꠆ꠖ꠆ꠞ ꠖꠦ, ꠄꠍꠀꠁ ꠖꠦꠛꠣꠡꠤꠡ ꠖꠦꠛ, ꠄꠍꠀꠁ ꠝꠧ. ꠁꠛꠣꠖꠥꠟ꠆ꠟꠣꠢ ꠅ ꠄꠄꠍꠀꠁ ꠡꠣꠎ꠆ꠎꠣꠖꠥꠞ ꠞꠢꠝꠣꠘ ꠡꠋꠉꠤꠘ ꠀꠞ ꠚꠧꠞ꠆ꠍ ꠡꠥꠖꠖꠣ ꠉꠥꠚꠘ ꠡꠥꠔ꠆ꠞꠞ ꠜꠤꠔ꠆ꠔꠤꠔꠦ ꠉꠦꠍꠦꠈꠣꠁꠟ ꠝꠋꠉꠟꠛꠣꠞ ꠈꠣꠟꠣꠘꠎꠤꠛꠣꠟꠣ ꠞꠣꠁꠔ ꠍꠤꠟꠐꠞ ꠖꠇ꠆ꠇꠤꠘ ꠡꠥꠞꠝꠣ ꠕꠣꠘꠣꠞ ꠜꠣꠞ꠆ꠕꠈꠟꠣ ꠄꠟꠣꠇꠣ ꠅ ꠡꠣꠢꠙꠞꠣণ (ꠞꠢ.) ꠕꠣꠘꠣꠞ ꠐꠤꠟꠣꠉꠠ ꠞꠣꠎꠙꠣꠠꠣ ꠄꠟꠣꠇꠣꠔ ꠅꠜꠤꠎꠣꠘ ꠍꠣꠟꠣꠁꠀ ꠅ ꠖꠥꠁ ꠍꠤꠘꠘꠤꠔ ꠍꠤꠘꠔꠣꠁꠈꠣꠞꠤꠞꠦ ꠄꠞꠦꠡ꠆ꠐ ꠈꠞꠦ⁕ ꠁ ꠡꠝꠄ ꠍꠤꠘꠔꠣꠁꠇꠣꠞꠤꠘꠞ ꠉꠦꠍ ꠔꠘꠦ ꠍꠤꠘꠔꠣꠁꠞ ꠈꠣꠝꠧ ꠛꠦꠛꠀꠞ ꠅꠃꠀ ꠄꠇꠐꠣ ꠟꠣꠟ, ꠈꠣꠟꠣ ꠀꠞ ꠖꠟꠣ ꠞꠋꠉꠞ ꠢꠤꠞꠧ ꠢꠧꠘ꠆ꠒꠣꠞ ꠝꠧꠐꠞꠍꠣꠁꠇꠦꠟ (ꠞꠦꠎꠤ: ꠘꠋ- ꠍꠤꠟꠦꠐ-ꠟ-১১-১৮৫৭), ꠗꠣꠞꠣꠁꠟ ꠍꠣꠇꠇꠥ ꠅ ꠈꠄꠈꠐꠣ ꠝꠥꠛꠣꠁꠟ ꠍꠦꠐ ꠎꠛ꠆ꠖ ꠈꠞꠣ ꠅꠄ⁕

ꠄꠞ ꠀꠉꠦ ꠍꠤꠘꠔꠣꠁꠞ ꠊꠐꠘꠣꠞ ꠛꠤꠡꠄ ꠝꠧ. ꠀꠛꠥ ꠍꠥꠚꠤꠀꠘ ꠘꠣꠝꠞ ꠄꠈ ꠛꠦꠇ꠆ꠔꠤ ꠛꠣꠖꠤ ꠅꠁꠀ ꠕꠣꠘꠣꠔ ꠄꠎꠣꠢꠣꠞ ꠖꠣꠄꠞ ꠈꠞꠟꠦ ꠇꠧꠔꠥꠀꠟꠤ ꠝꠒꠦꠟ ꠕꠣꠘꠣꠔ ꠀꠁꠘ-ꠡꠤꠋꠇꠟꠣ ꠛꠤꠊ꠆ꠘꠈꠣꠞꠤ ꠅꠚꠞꠣꠗ (ꠖ꠆ꠞꠥꠔ ꠛꠤꠍꠣꠞ) ꠀꠁꠘꠦ ꠝꠣꠝꠟꠣ ꠈꠞꠣ ꠅꠁꠍꠤꠟ⁕ ꠁ ꠝꠣꠝꠟꠣꠔ ꠉ꠆ꠞꠦꠚꠔꠣꠞ ꠅꠀꠁꠘꠞꠦ ꠛꠤꠉꠉ ꠀꠖꠣꠟꠔꠧ ꠉꠍꠣꠘꠤ ꠅꠁꠍꠦ ꠈꠞꠤ ꠎꠣꠘꠣꠁꠍꠦ ꠙꠥꠟꠤꠡꠦ⁕ ꠍꠤꠟꠐ ꠝꠦꠐ꠆ꠞꠧꠙꠟꠤꠐꠘ ꠙꠥꠟꠤꠡꠞ ꠅꠔꠤꠞꠤꠇ꠆ꠔ ꠃꠙ-ꠙꠥꠟꠤꠡ ꠇꠝꠤꠡꠘꠣꠞ (ꠝꠤꠒꠤꠀ ꠄꠘ꠆ꠒ ꠇꠝꠤꠃꠘꠤꠐꠤ ꠍꠣꠞ꠆ꠜꠤꠍ) ꠝꠧ. ꠎꠦꠖꠣꠘ ꠀꠟ ꠝꠥꠍꠣ ꠛꠤꠡꠄꠐꠣ ꠘꠤꠌꠌꠤꠔ ꠈꠞꠁꠍꠁꠘ⁕

Rate this post

About surmafarorkhobor

Check Also

ꠍꠤꠟꠐꠤ ꠜꠣꠡꠣꠞ ꠡꠍꠦꠔꠘꠔꠣꠞ ꠖꠣꠄ ꠛꠤꠀꠘꠤꠛꠣꠎꠣꠞ ꠢꠤꠞꠤ ꠚꠞꠤꠇ꠆ꠇꠣ

ꠝꠣꠔꠣꠝꠣꠔꠤꠞ ꠡꠁꠋꠇꠣꠛꠣꠄ ꠍꠤꠟꠐꠤ ꠅꠁꠟ ꠉꠤꠀ ꠖꠥꠘꠤꠀꠞ ꠢꠇꠟ ꠔꠘꠦ ꠛꠦꠡꠝꠣꠔꠞꠣ ꠝꠣꠔꠞ ꠝꠣꠎꠦ ৯৭ ꠟꠝ꠆ꠛꠞ⁕ ꠁ ꠜꠣꠡꠣꠞ …