ꠍꠦꠖ ꠝꠣꠞꠤ ꠞꠣꠡꠡꠣꠁꠞ ꠖꠣꠝꠇꠥꠠꠣ ꠕꠣꠘꠣꠔ ৫ ꠐꠦꠇꠣ ꠍꠣꠁꠀ ꠘꠣ ꠚꠣꠃꠀꠄ ꠝꠣꠞꠦ ꠘꠥ ꠍꠦꠖꠣꠁꠀ ꠝꠣꠞꠤꠟꠍꠦ ꠄꠇ ꠀꠚꠦꠞꠔꠣꠄ⁕ ꠡꠝꠛꠣꠞ ꠛꠤꠀꠘꠦ ꠛꠦꠠꠙꠣꠠꠣ ꠙꠥꠛꠙꠣꠠꠣꠔ ꠁ ꠊꠐꠘꠣ ꠊꠐꠦ⁕ ꠝꠥꠞꠖꠣꠞ ꠘꠣꠝ ꠚꠣꠔꠦꠝꠣ (২৫)⁕ ꠖꠣꠝꠇꠥꠠꠣ ꠕꠣꠘꠣꠞ ꠅꠍꠤ ꠝꠣꠎꠢꠥꠞꠥꠟ ꠁꠍꠟꠣꠝꠦ ꠈꠁꠘ, ꠛꠤꠀꠘꠦ ꠀꠚꠦꠞꠔꠣ ꠚꠣꠢꠤꠝꠦ ꠛꠣꠚ ꠀꠞ ꠝꠣ ꠖꠧꠄꠅꠎꠘꠞ ꠉꠦꠍꠦ ৫ ꠐꠦꠈꠣ ꠇꠥꠎꠦ⁕ ꠇꠤꠘ꠆ꠔꠥꠇ ꠔꠣꠞꠦ ꠇꠦꠃ ꠐꠦꠈꠣ ꠖꠤꠍꠟꠣ ꠘꠣ⁕ ꠃꠚꠔꠣ ꠔꠣꠞꠦ ꠍꠞꠣꠁꠀ ꠡꠣꠡꠣꠁꠘ⁕ ꠅꠔꠣꠞ ꠖꠣꠄ ꠢꠦ ꠍꠥꠝ ꠝꠣꠞꠣꠁꠀ ꠔꠣꠞꠈꠣꠞꠤ ꠈꠣꠐꠣꠞ ꠐꠦꠋꠉꠤꠖꠣ ꠖꠤ ꠝꠣꠞ ꠛꠥꠇꠥꠔ ꠍꠦꠖ ꠝꠣꠞꠦ⁕ ꠢ ꠡꠝꠄ ꠞꠇ꠆ꠔ ꠛꠣꠞꠞ ꠖꠦꠇꠤꠀ ꠢꠦ ꠒꠞꠣꠁꠀ ꠚꠥꠚꠥꠞ ꠛꠣꠠꠤꠔ ꠎꠣꠄ ꠉꠤ⁕ ꠛꠣꠖꠦ ꠀꠡꠙꠣꠔꠣꠟꠧ ꠎꠣꠁꠛꠣꠞ ꠀꠗꠣꠚꠕꠧ ꠚꠣꠔꠦꠝꠣꠞ ꠝꠃꠔ ꠅꠄ⁕ ꠅꠍꠤꠄ ꠀꠞꠧ ꠈꠁꠘ, ꠛꠣꠁꠌ꠆ꠌꠣꠉꠥꠔꠣꠞꠦ ꠉ꠆ꠞꠦꠚꠔꠣꠞ ꠇꠞꠣ ꠅꠁꠔ ꠘꠣꠄ⁕ ꠔꠛꠦ ꠇꠤꠎꠣꠔ ꠙꠖꠇꠇꠦꠙ ꠘꠦꠅꠀ ꠅꠁꠛꠧ ꠅꠔꠣ ꠍꠤꠘ꠆ꠔꠣ ꠈꠞꠣ ꠅꠞ⁕
Check Also
ꠛꠤꠀꠘꠤꠛꠣꠎꠣꠞ ꠘꠣꠉꠞꠤ ꠢꠞꠚꠞ ꠝꠥꠟ꠆ꠟꠣꠄꠅꠘ ꠀꠞ ꠍꠘꠖ ꠛꠤꠔꠞꠘ ꠅꠘꠥꠡꠐꠣꠘ
ꠝꠣꠍꠐꠣꠞꠙꠤꠍ ꠛꠣꠋꠟꠣꠖꠦꠡ ꠀꠞ ꠁꠃꠄꠘꠒꠤꠙꠤ’ꠞ ꠃꠖꠖꠥꠉꠦ ꠡꠣꠝꠣꠎꠤꠇ ꠡꠝ꠆ꠙ꠆ꠞꠤꠔꠤ ꠚꠔꠤꠡ꠆ꠑꠣꠄ ꠍꠤꠟꠐꠤ ꠘꠣꠉꠞꠤ ꠟꠤꠙꠤ, ꠝꠘꠤꠚꠥꠞꠤ ꠀꠞ ꠈꠣꠡꠤ ꠜꠣꠡꠣꠞ …