শুরমা ফারর খবর ছিলটি জবানে ছিলটর খবর
Related Articles
ꠈꠣꠘꠣꠁꠊꠣꠐ ꠡꠖꠞ ꠁꠘꠤꠅꠘꠞ ꠍꠥꠐꠖꠦꠡ ꠉꠣꠅꠞ ꠅꠁꠔꠤꠎꠎꠛꠣꠢꠤ ꠚꠞꠤꠛꠣꠞꠞ ꠅꠚꠡꠞ ꠚꠣꠅꠀ ꠄꠝꠛꠤꠛꠤꠄꠍ ꠒꠣꠈꠔꠞ ꠡꠣꠝꠍꠥꠟ ꠁꠍꠟꠣꠝ ꠍꠗꠞꠤꠞ ꠖꠥꠁ ꠚꠥꠠꠤ ꠁꠛꠣꠞꠇꠥꠞ ꠚꠇꠣꠡꠤꠔ ৩৮ꠔꠝ ꠛꠤꠡꠤꠄꠡ ꠚꠞꠤꠇ꠆ꠇꠣꠔ ꠙ꠆ꠞꠡꠣꠡꠘ ꠇꠦꠒꠣꠞ ꠍꠥꠠꠣꠘ꠆ꠔ ꠅꠁꠍꠘ⁕ ꠎꠣꠘꠣ ꠎꠣꠄ, ꠒꠣ. ꠡꠣꠝꠍꠥꠟ ꠁꠍꠟꠣꠝ ꠍꠗꠞꠤꠞ ꠛꠠ ꠚꠥꠠꠤ ꠚꠣꠔꠦꠝꠣꠔꠥꠎ ꠎꠥꠢꠞꠣ ꠌꠣꠖꠘꠤ ꠍꠤꠟꠐ ꠡꠣꠢꠎꠣꠟꠣꠟ ꠛꠤꠉꠉꠣꠘ ꠅ ꠚꠎꠥꠇ꠆ꠔꠤ ꠛꠤꠡꠡꠛꠤꠖꠖꠣꠟꠄ ꠔꠘꠦ ꠁꠋꠟꠤꠡꠦ ꠅꠘꠣꠞ꠆ꠍ, ꠝꠣꠡ꠆ꠐꠣꠞ꠆ꠍ ꠈꠞꠍꠘ, ꠚꠥꠞꠥ ꠚꠥꠠꠤ ꠍꠣꠖꠤꠀ ꠀꠚꠞꠤꠘ ꠔꠣꠞꠤꠘ ꠄꠇꠤ ꠛꠤꠡꠡꠛꠤꠖꠖꠣꠟꠄ ꠔꠘꠦ ꠛꠤꠎꠘꠦꠍ ꠡ꠆ꠐꠣꠒꠤꠔ ꠛꠤꠛꠤꠄ ꠅ ꠄꠝꠛꠤꠄ ꠇꠞꠍꠘ⁕ ꠚꠣꠔꠦꠝꠣꠔꠥꠎ ꠎꠥꠢꠞꠣ ꠌꠣꠖꠘꠤ ꠈꠣꠘꠣꠁꠊꠣꠐ ꠡꠞꠇꠣꠞꠤ ꠃꠌ꠆ꠌ ꠛꠤꠖ꠆ꠖꠣꠟꠄꠞ ꠡꠢꠇꠣꠞꠤ ꠡꠤꠇꠤꠇꠣ ꠢꠤꠡꠣꠛꠦ ꠇꠣꠝ ꠇꠞꠞꠣ⁕ ꠁꠡ꠆ꠇꠥꠟ ꠎꠤꠛꠘ ꠔꠘꠦ ꠎꠦ ꠝꠦꠗꠣꠛꠤ ꠁ ꠖꠥꠁ ꠛꠁꠘ ꠃꠌ꠆ꠌ ꠙꠞ꠆ꠎꠣꠅ ꠚꠠꠣꠟꠦꠈꠣ ꠕꠣꠇꠣ ꠅꠛꠡ꠆ꠕꠣꠔ ꠡꠤꠇ꠆ꠇꠣꠝꠥꠟꠇ ꠛꠃꠔ ꠚꠔꠤꠎꠥꠉꠤꠔꠣꠔ ꠅꠋꠡ ꠟꠁꠀ ꠡꠣꠚꠟ꠆ꠟ ꠅꠞꠎꠘ ꠈꠞꠍꠘ⁕ ꠍꠤꠜꠤꠟ ꠍꠣꠞ꠆ꠜꠤꠍ ꠈꠣꠘꠣꠁꠊꠣꠐ ꠃꠙꠎꠤꠟꠣ ꠕꠣꠇꠤ ৩৮ꠔꠝ ꠛꠤꠍꠤꠄꠍ ꠚꠞꠤꠇ꠆ꠇꠣꠔ (ꠄꠒꠝꠤꠘꠤꠡ꠆ꠐ꠆ꠞꠦꠡꠘ) ꠃꠔ꠆ꠔꠤꠞꠘ ꠚꠣꠔꠦꠝꠣꠔꠥꠎ ꠎꠥꠢꠞꠣ ꠌꠣꠖꠘꠤ ꠅ ꠍꠣꠖꠤꠀ ꠀꠚꠞꠤꠘ ꠔꠣꠞꠤꠘ ꠡꠥꠙꠣꠞꠤꠡꠙ꠆ꠞꠣꠙ꠆ꠔ ꠅꠀꠄ ꠄꠟꠣꠇꠣꠞ ꠝꠣꠘꠥꠡ ꠅꠈꠟ ꠇꠥꠡꠤ ꠅꠁꠍꠘ⁕ ꠔꠣꠞꠣꠞ ꠁꠟꠣꠈꠣꠘ ꠡꠣꠚꠟ꠆ꠟ ꠡꠣꠝꠣꠎꠤꠇ ꠎꠥꠉꠣꠎꠥꠉ ꠝꠣꠗ꠆ꠖꠝ ꠚꠦꠍꠛꠥꠇ ꠛꠃꠔꠦ ꠅꠜꠤꠘꠘ꠆ꠖꠘ ꠎꠣꠘꠣꠁꠍꠁꠘ⁕
ꠢꠤꠛꠣꠄ, ꠔꠣꠞꠣꠞ ꠚꠥꠞꠥ ꠛꠁꠘ ꠝꠦꠗꠣꠛꠤ ꠍꠣꠝꠤꠀ ꠙ꠆ꠞꠤꠔꠤꠅ ꠡꠣꠛꠤꠙ꠆ꠞꠛꠤꠔ ꠚꠠꠞꠣ⁕ ꠖꠥꠁ ꠚꠥꠠꠤꠞ ꠛꠤꠍꠤꠄꠍ ꠇꠦꠒꠣꠞ ꠡꠥꠙꠣꠞꠤꠡꠙ꠆ꠞꠣꠙ꠆ꠔ ꠅꠀꠄ ꠔꠣꠞꠣꠞ ꠉꠞ꠆ꠛꠤꠔ ꠙꠤꠔꠣ ꠈꠣꠘꠣꠁꠊꠣꠐ ꠃꠙꠎꠤꠟꠣ ꠡꠣꠁꠍꠔ ꠇꠝꠙ꠆ꠟꠦꠇꠍꠞ ꠅꠚꠡꠞ ꠚꠣꠅꠀ ꠀꠛꠣꠡꠤꠇ ꠝꠦꠒꠤꠇꠦꠟ ꠅꠚꠤꠍꠣꠞ ꠒꠣ. ꠡꠣꠝꠍꠥꠟ ꠁꠍꠟꠣꠝ ꠌꠗꠞꠤ ꠔꠣꠞꠣꠞ ꠃꠎ꠆ꠎꠟ ꠜꠛꠤꠡꠡꠔꠞ ꠟꠣꠉꠤ ꠢꠈꠟꠦ ꠉꠦꠍꠦ ꠖꠥꠀ ꠍꠣꠁꠁꠍꠘ⁕
ꠟꠦꠈꠣ ꠚꠣꠑꠣꠁꠍꠁꠘ: ꠄꠝ ꠄ ꠔꠣꠢꠤꠞ ꠈꠣꠘ
