শুরমা ফারর খবর ছিলটি জবানে ছিলটর খবর
Related Articles
২২ ꠛꠌ꠆ꠌꠞ ꠛꠣꠉꠤꠀ ꠕꠣꠈꠣꠞ ꠚꠞꠦ ꠉꠔ ꠡꠝꠛꠣꠞ ꠌꠣꠌꠣ ꠇꠥꠘꠞ ꠖꠣꠄ ꠙꠥꠟꠤꠡꠞ ꠀꠔꠧ ꠖꠞꠣ ꠈꠣꠁꠍꠁꠘ ꠜꠣꠔ꠆ꠔꠤꠃꠎꠣ⁕
ꠛꠃꠔ ꠛꠍꠞ ꠛꠣꠉꠣꠘ ꠅꠛꠍꠔꠣꠄ ꠕꠣꠇꠤꠀ ꠟꠥꠇꠣꠁ ꠟꠥꠇꠣꠁ ꠊꠞꠞ ꠝꠣꠘꠞ ꠈꠛꠞ ꠘꠤꠟꠦꠅ ꠛꠣꠠꠤꠔ ꠀꠁꠀ ꠚꠣꠠꠣ ꠝꠣꠞꠔꠣ ꠚꠣꠞꠍꠁꠘ꠆ꠘꠣ ꠛꠤꠀꠘꠤ ꠛꠣꠎꠣꠞ ꠃꠚꠎꠤꠟꠣꠞ ꠝꠥꠠꠤꠀ ꠁꠘꠤꠅꠘꠞ ꠀꠜꠋꠉꠤ ꠉꠣꠃꠞ ꠡꠚꠞ ꠃꠖ꠆ꠖꠤꠘꠞ ꠚꠥꠀ ꠀꠛꠥꠟ ꠇꠣꠟꠣꠝ⁕
ꠚꠥꠟꠤꠡꠞ ꠎꠞꠤꠀꠄ ꠎꠣꠘꠣ ꠉꠦꠍꠦ ১৯৯৯ ꠡꠣꠟꠦ ꠀꠉꠞ ꠛꠤꠞꠥꠗꠞ ꠎꠦꠞ ꠖꠞꠤ ꠌꠣꠌꠣ,ꠜꠣꠔ꠆ꠔꠤꠃꠎꠣꠞ ꠝꠣꠁꠞ ꠈꠞꠣꠞ ꠡꠝꠄ ꠜꠣꠔ꠆ꠔꠤꠃꠎꠣꠞ ꠀꠔꠧ ꠇꠥꠘ ꠅꠁꠘ ꠌꠣꠌꠣ ꠀꠎꠤꠞ ꠃꠖ꠆ꠖꠤꠘ⁕ ꠁ ꠊꠐꠘꠣꠄ ꠎꠠꠤꠔ ꠜꠣꠔ꠆ꠔꠤꠃꠎꠣꠞ ꠚꠇꠇꠞ ৫ ꠎꠘꠞꠦ ꠀꠡꠣꠝꠤ ꠈꠞꠤꠀ ꠛꠤꠅꠣꠘꠤꠛꠣꠎꠣꠞ ꠕꠣꠘꠣꠔ ꠝꠣꠝꠟꠣ ꠈꠞꠣ ꠅꠄ⁕
ꠚꠥꠟꠤꠡ ꠝꠣꠝꠟꠣꠞ ꠔꠖꠘ꠆ꠔ ꠈꠞꠤꠀ ꠍꠤꠟꠦꠐꠞ ꠀꠖꠣꠟꠔꠧ ꠅꠜꠤꠎꠧꠉꠙꠔ꠆ꠞ ꠖꠣꠈꠤꠟ ꠈꠞꠁꠘ⁕ ꠄꠞꠛꠣꠖꠦ ২০০০ ꠡꠣꠟꠦ ꠔꠣꠞ ꠛꠤꠞꠥꠖ꠆ꠖꠦ ꠀꠖꠣꠟꠔ ꠕꠣꠇꠤ ꠉꠦꠚꠔꠣꠞꠤ ꠚꠞꠅꠀꠘꠣ ꠎꠣꠞꠤ ꠅꠄ⁕
ꠄ ꠝꠣꠝꠟꠣ (ꠎꠤꠀꠞ-১৮১/৯৯)’ꠞ ꠛꠣꠖꠛꠣꠇꠤ ꠀꠡꠣꠝꠤ ꠅꠈꠟ ꠎꠦꠟ ꠈꠣꠐꠤꠀ ꠛꠣꠞꠁꠍꠁꠘ,ꠀꠞ ꠄꠈꠎꠘ ꠝꠞꠤꠉꠦꠍꠁꠘ ⁕ ꠔꠛꠦ ꠊꠐꠘꠣꠞ ꠚꠞ ꠕꠣꠇꠤ ꠛꠣꠉꠣꠘ ꠀꠍꠟꠣ ꠜꠣꠔ꠆ꠔꠤꠃꠎꠣ ꠀꠛꠥꠟ ꠇꠣꠟꠣꠝ⁕
ꠎꠣꠘꠣ ꠉꠦꠍꠦ, ꠉꠧꠙꠘ ꠈꠛꠞ ꠚꠣꠁꠀ ꠡꠝꠛꠣꠞ ꠛꠤꠀꠟꠦ ꠛꠠꠟꠦꠈꠣ ꠃꠚꠎꠤꠟꠣꠞ ꠛꠤꠍꠞꠣꠛꠘ꠆ꠖ ꠄꠟꠣꠇꠣꠞ ꠡꠥꠞꠝꠣ ꠛꠤꠞꠤꠇꠚꠤꠟ꠆ꠒ ꠕꠣꠇꠤ ꠇꠣꠟꠣꠝꠇꠦ ꠉꠦꠚꠔꠣꠞ ꠇꠞꠣ ꠅꠄ⁕ ꠍꠤꠟꠦꠐꠞ ꠅꠔꠤꠞꠤꠇ꠆ꠔ ꠚꠥꠟꠤꠡ ꠡꠥꠙꠣꠞ (ꠎꠇꠤꠉꠁꠘ ꠡꠣꠞꠇꠦꠟ) ꠡꠥꠖꠤꠙ꠆ꠔ ꠞꠣꠄ ꠅ ꠅꠚꠤꠡꠣꠞ ꠁꠘꠌꠣꠞꠎ (ꠅꠡꠤ) ꠢꠤꠟ꠆ꠟꠧꠟ ꠞꠣꠄꠞ ꠘꠤꠞꠖꠦꠡꠘꠣꠄ ꠇꠣꠟꠣꠝꠇꠦ ꠉꠦꠚꠔꠣꠞ ꠈꠞꠍꠁꠘ ꠛꠤꠅꠣꠘꠤꠛꠣꠎꠣꠞ ꠕꠣꠘꠣꠞ ꠄꠄꠡꠀꠁ ꠎꠤꠔꠥ ꠝꠤꠀ⁕
ꠛꠤꠅꠣꠘꠤꠛꠣꠎꠣꠞ ꠕꠣꠘꠣꠞ ꠅꠚꠤꠡꠣꠞ ꠁꠘꠌꠣꠞꠎ (ꠅꠡꠤ) ꠢꠤꠟ꠆ꠟꠧꠟ ꠞꠣꠄ ꠈꠁꠍꠁꠘ, ꠀꠖꠣꠟꠔꠦ ꠁ ꠝꠣꠝꠟꠣꠞ ꠛꠤꠌꠣꠞꠇꠣꠎ ꠌꠟꠝꠣꠘ⁕ ꠀꠝꠞꠣ ꠉꠦꠚꠔꠣꠞꠤ ꠚꠞꠅꠀꠘꠣꠞ ꠜꠤꠔ꠆ꠔꠤꠔꠦ ꠀꠡꠣꠝꠤ ꠉꠦꠚꠔꠣꠞ ꠈꠞꠍꠤ⁕
